Massimo Iaretti 
39
di Milian Giaco Racca
Na neuva fòravia e motobin anteressanta an riva da la Sicilia. Për la prima vòta a l’è staita acetà a l’università ‘d Palerm na tèis ëd laurea an lenga sicilian-a.
L’ëstudent an litre, Alessandro Saraceno d’Augusta (Foto Sikelian.it), a discutrà a l’inissi dë st’ann ch’ven soa tèis, ch’a analisa l’usage dël sicilian an sël web, la normassion ëd la grafia e le përspetive për l’avnì.
Ël sicilian donch a torna ant n’at ufissial e academich, tratand ëd soget tecnich e atoaj, bele ch’a l’è nen arconossù e tuà da l’ëstat italian.
A s’è creasse parej un pressedent. Im domando alora quand an Piemont cheidun a publichërà na tèis an lenga piemontèisa! La qual – arcordomlo- a l’è na lenga galromansa, europea, motobin antica, sgnora ‘d literatura, arconossùa dal Consej d’Europa e da l’Unesco….ma gnanca chila da l’ëstat italian.
Milian Giaco Racca (Patto per l’Autonomia e l’ambiente)
