ËL PRIM CONGRESS DIJ FEDERALISTA D’EUROPA (in lingua piemontese)

riceviamo e pubblichiamo:

A l’avrà leu ai 13 e 14 d’otober ch’ven-o ël prim congress d’Efa (European Free Alliance), la granda famija europenga dij moviment autonomista, federalista  e civich.

Durant ës congress a vnirà nominà na cobia ‘d “Spitzenkandidaten” da esprimi an tant che candidà leader dla neuva Comission Europenga, ch’a dovrà essi ancreusament diferenta da cola atoal. E peui as sintetisërà un programa comun për le elession europenghe dë st’ann ch’ven.

Për l’Italia a saran present dij delegà dël “Patto per l’autonomia e l’ambiente”. Ël Patto a l’è na rej ‘d fòrse teritoriaj, civiche e autonomiste, nassùa 3 ani fa, ch’a vanta già dij consijé regionaj an Friul  e la partecipassion a vaire competission eletoraj ant ij comun e ant le region. N’alternativa seria a drita e manca, civica e nen-ideològica, për la difèisa dij nòsti teritòri dle soe economie, dj’ambient e për amilioré nòsta Europa e le nòste democrassie e-la ‘n camin ch’as forma?

Milian Racca (Patto per l’autonomia e l’ambiente)