Massimo Iaretti 
33
di Milian Giaco Racca
A termina ancheuj la Mostra Provinsial ëd la zootecnia a Salusse, con ël disné dij marghé e dij visitator e le premiassion dij campion ëd rassa piemontèisa e ‘d frison-a. Jer, saba 6 ëd magg a-iè staje ‘l clou dl’event con la Rodonà, vis adì la tradissional sfilà dij marghé con le vache ant ël senter dla sitadin-a, ch’a selebra l’ancamin ëd la stagion dle transumanse dle bestie. A la testa dla rela a j’era dcò Degio con soa mula Pioggia, ideator dl’anteressant canal youtube ‘DEgio e La Mula’ ch’a trata giust dël mond dj’anlevament e dle tradission dij teritòri piemontèis.
